Курчатов қаласында El’classic фотостудиясының қолдауымен Жастар ресурстық орталығы ұйымдастырған КТК ойыны өтті. Бұл шара көрермендерге күлкі мен жарқын эмоциялар сыйлаған, ең көңілді, креативті әрі тапқыр жастарды бір сахнада жинады.
Командалар тапқырлық, актерлік шеберлік және көрерменмен байланыс орната білу қабілеттері бойынша жарысты. Әрбір өнер көрсету жай ғана қалжың емес – харизма мен энергетикаға толы шағын қойылым болды.
Бас жүлде – Гран-приді – №4 жалпы орта білім беретін мектептің «Жау Жүрек 4 бала» командасына бұйырды. Олардың қойылымдары кештің нағыз көркіне айналды: ерекше идеялар, сахнадағы сенімділік пен шынайы әзіл оларды лайықты түрде көшбасшы етті.
Бірінші орынды 3514 әскери бөлімінің мерзімді қызметтегі сарбаздарынан құралған «Алаш ұландары» командасы иеленді. жігіттер әскери тәртіп пен әзіл сезімінің сахнада тамаша үйлесетінін дәлелдеді.
Екінші орын №3 жалпы орта мектептің «КМТС» командасына бұйырды. Олардың өнері нәзік қалжыңдарымен және сенімді орындауымен есте қалды.
Үшінші орынды №2 жалпы орта білім беретін мектептің «Жұрттың балалары» командасы иеленді. Олар көрермендердің жүрегін шынайылығымен және күнделікті өмірге көңілді көзқарасымен жаулап алды.
Барлық қатысушылар ақшалай сыйлықтармен марапатталды. Сонымен қатар, шақырылған блогерлер ең жарқын, харизматикалық және креативті қатысушыларды атап өтіп, арнайы ақшалай сертификаттар табыстады.
КТК ойыны жастар шығармашылығының нағыз мерекесіне айналып, әзіл, талант және достық бәсекелестікті біріктірді!